Reikningsviðskipti

Reikningsviðskipti.
A.Wendel ehf býður viðskiptavinum upp á reikningsviðskipti þar sem öll vörukaup eru færð í reikning og er hvert úttektartímabil almanaksmánuðurinn. Uppsöfnuð viðskiptaskuld er með gjalddaga 10. dag næsta mánaðar og eindagi er 15. þess sama mánaðar.

Greiðsluskilmálar
Gjalddagi er 10. dag mánaðar og eindagi er 15. þess sama mánaðar. Þegar eindaga greiðsluseðils ber upp á helgi eða frídag er mikilvægt að greiða reikning síðasta virka dag fyrir eindaga.

Greiðsluseðlar, greiðslugjald
Reikningar eru sendir út í upphafi hvers mánaðar, krafa stofnast í heimabanka en ekki er sendur greiðsluseðill.

Vaxtakjör og innheimtukostnaður
Sé reikningur ekki greiddur á eindaga reiknast dráttarvextir frá gjalddaga.
Falli skuld í eindaga eru send út innheimtuviðvörun og innheimtubréf og er kostnaður vegna þessarar innheimtu skuldfærður á viðskiptareikning. Vísað er til laga nr. 95/2008 og reglugerðar varðandi innheimtugjöld.
Sé innheimtuviðvörun og innheimtubréfi ekki sinnt þá er krafan send í lögfræðiinnheimtu.

Rafrænir reikningar og tölvupóstur
Viðskiptavinir geta óskað eftir því að fá senda rafræna reikninga og/eða reikninga í tölvupósti.

Umsókn um reikningsviðskipti
Þeir sem eru í forsvari fyrirtækja, svo sem forstjórar, fjármalastjórar eða aðrir prókúruhafar fyrirtækis geta sótt um reikningsviðskipti hjá A.Wendel ehf.

Skilyrði fyrir því að reikningsumsókn sé samþykkt er að viðkomandi sé ekki á vanskilaskrá hjá Creditinfo Ísland og að CIP áhættumat fyrirtækis sé ekki hærra en 7.
Ábyrgðarmaður þarf að vera fasteignareigandi og má ekki vera á vanskilaskrá hjá Creditinfo Ísland.

Ef farið er fram á reikningsheimild yfir 250.000 kr. er nauðsynlegt að skrifa undir sjálfskuldarábyrgð.

Til að sækja um reikningsviðskipti er hægt að smella á hlekkinn hér fyrir neðan og fylla út formið sem opnast. Skila þarf forminu útfylltu og undirrituðu til A.Wendel ehf, Tangarhöfða 1, Reykjavík.

Umsókn um reikningsviðskipti

Nánari upplýsingar
Vinsamlegast hafið samband við wendel@wendel.is varðandi nánari upplýsingar.